Konurnar í húsunum : staða leikkvenna í íslensku leikhúsi

Abstract

Þessi ritgerð er hluti af lokaverkefni til BA-gráðu í leiklist við Listaháskóla Íslands. Í þessari ritgerð leitast ég við að komast að því hver staða leikkvenna í íslensku leikhúsi og leiklistarlífi sé í dag frá því sem áður var. Ég reyni að varpa ljósi á upplifanir þeirra sem konur í íslenskum samtíma og hvernig samfélagið speglast inn í leikhúsin og hvaða áhrif það hefur á vinnu leikkonunnar. Einnig er reynt að komast að því af hverju hlutfall kynjanna virðist sjaldan ná jafnvægi og hvað sé þar til ráða. Ritgerðin byggir aðallega á viðtölum við starfandi leikkonur til þess að fá persónulega sýn á ástand leikhússanna sem vinnustaðar og samfélags. Þær eru á ólíkum aldri og með ólíkan bakgrunn sem skilar sér vonandi í raunhæfri mynd afreynslu kvenna af leiklistarbransanum. Ég notast við upplýsingar af heimasíðum Borgarleikhússins og Þjóðleikhússins til þess að sýna fram á tölfræðilegt hlutfall leikkvenna í tveimur stærstu leikhúsum landsins og sýni fram á að það halli á hlutfall þeirra almennt og sérstaklega á efri aldursstigum.Ég vonast til þess að ritgerðin veki fólk til umhugsunar um leikhúsið og hlutverk þess í samfélaginu og sýni fram á möguleika leikhússins til þess að vera í fararbroddi í því að breyta viðteknum úreltum gildum og hegðunarmynstri fólks.