Úthafsræða

Abstract

Í þessari ritgerð er máluð mynd úr manninum, úr spurningum, staðreyndum og efasemdum. Hann er skemmtilegt fyrirbæri. Hvernig hann hugsar heiminn út frá sér, hann er viðmiðið og mælistika alls og tíminn breytir mælieiningunum, svo breyta mælieiningarnar svörunum og koll af kolli. Mig langar að velta hlutföllum mannverunnar fyrir mér, og hvaðan nútíminn fær hlutföllin sín, það get ég aðeins gert í gegnum mín eiginn.Ég beini spjótum mínum að mannsandanum og krefst þess að sjá stöðu hanns í dag. Í ritgerðinni skoðar höfundur aftöðu nútímans til andans og hvað er að leiða umræðuna. Til þess að skoða málið nánar þarf að líta á hvernig við skynjum þekkingu á upplýsingaöld og hvernig hana er umgengist sem samfélag. Skoðað verður hlutverk vísinda sem okkar helsti brunnur upplýsinga um heiminn. Ég nýti mér skrif félagsfræðingsins Pierre Boudieus og heimspekingsins Paul Feyerabend, báðir gagnrýnir á hlutverk vísindanna í dag og benda á hætturnar sem hugmyndafræðinni fylgja. Textinn skoðar hvert sannleikur vísindanna hefur leitt nútímahugsun og kannar hina póstmódernísku heimsmynd í gegnum Jean Baudrillard. Ég ferðast yfir vítt svið í tilraun til að mynda heildarsýn á vandamálinu, frá eðlisfræði til hundingsháttar forn-grikkja, að samræðum fólks undir áhrifum áfengis. Í gegnum tengingar verður reynt að sjá hlutverk lista í víðara samhengi, skoðað sjónamið heildarstefnuar sem möguleg vísinda/listakenning.Listir og vísindi eru tveir af stöpplum okkar samfélags, flokkar sem eru almennt taldnir aðgreindir. En þegar kafað er nægilega djúpt byrja mörk þeirra að renna saman í eitt og skilgreiningar hverfa. Ritgerðin skoðar þessi mörk og kannar möguleika þess að afmá þau algerlega.