Please use this identifier to cite or link to this item: http://hdl.handle.net/1946/1569
Verkefni þetta fjallar um niðurstöður rannsóknar sem gerð var á stefnu yfirvalda og þjónustuveitenda í búsetumálum fatlaðra barna sem vistuð eru á heimilum fyrir börn. Þessi heimili eða stofnanir eru rekin líkt og búsetuúrræði fyrir fullorðna fatlaða með vaktakerfi starfsfólks og lítilli áherslu á fjölskylduumhverfi. Markmið verkefnisins var að skoða hvernig þau úrræði sem eru í boði falla að nútíma hugmyndafræði, lögum, reglugerðum og almennum mannréttindum. Stuðst var við eigindlegar rannsóknaraðferðir þar sem tekin voru hálf opin viðtöl við fjóra lykilþátttakendur sem starfa að málefnum fatlaðra. Niðurstöður gáfu til kynna að engin eiginleg stefna er til í búsetumálum þessara fötluðu barna, þau alast ekki upp í umhverfi sem hlúir nægjanlega vel að þroska þeirra og vellíðan auk þess sem vistun þeirra samræmist illa nútíma hugmyndafræði, lögum, reglugerðum og almennum mannréttindum. Þjónustukerfi málefna fatlaðra virðist ekki ná að sinna stuðningsþörf fjölskyldna barnanna og brýn þörf er á trúnaðarmanni sem gætir hagsmuna þeirra.
Lykilorð: Fötluð börn, heimili fyrir börn, barnavernd, börn.
Filename | Size | Visibility | Description | Format | |
---|---|---|---|---|---|
341fa, yfirfarin).pdf | 407.35 kB | Open | Heildartexti | View/Open |