Hver brúar bilið? : um þjónustu heilsugæslunnar við foreldra sem eignast barn með sérþarfir

Abstract

Ritgerð þessi byggir á niðurstöðum viðtalskönnunar á þjónustu heilsugæslunnar við foreldra sem eignast barn með sérþarfir. Undirbúningur og viðtöl fóru fram haustið 2007 og fram á vor 2008. Þátttakendur voru fimm mæður barna með sérþarfir og fjórir starfsmenn heilsugæslu höfuðborgarsvæðisins. Mæðurnar sögðu frá upplifun sinni af þjónustunni og starfsmenn heilsugæslunnar sögðu frá þeirri þjónustu sem þau veita. Viðtalskönnunin er byggð á opnum viðtölum.Heilsugæsla telst til frumþjónustu heilbrigðisþjónustunnar og á því að vera fyrsti viðkomustaður fólks í heilbrigðiskerfinu. Allir landsmenn skulu eiga kost á fullkomnustu heilbrigðisþjónustu, sem á hverjum tíma eru tök á að veita, til verndar andlegu, líkamlegu og félagslegu heilbrigði. Hún á að vera ódýr og aðgengileg öllum og því má spyrja sig hvort hún sé það þegar snýr að þjónustu fyrir fatlað fólk?Helstu niðurstöður voru þær að brúa þarf bilið á milli sérfræðiþjónustu og heilsugæslunnar. Heilsugæslan er ekki alltaf fyrsti viðkomustaður foreldra barna með sérþarfir og heppni ræður því oft hvort fólk fái viðeigandi þjónustu.Lykilorð: Barn með fötlun, barn með sérþarfir, heilsugæslan.