Handbækur : handbækur í forvarnarfræðslu fyrir unglinga

Abstract

Greinargerð þessi fylgir handbókum um forvarnarfræðslu sem voru unnar samhliða forvarnarspili sem er ætlað unglingum og er unnið sem lokaverkefni til BA prófs.Ætlunin með greinargerðinni er að sýna fram á gagnsemi handbókanna sem aðferðar til forvarnarfræðslu. Handbækurnar eru fimm og fjallar hver þeirra um eitt afmarkað efni sem tengist unglingum á einn eða annan hátt, þ.e.a.s. samskipti, kynfræðslu, vímuefni, heilsu og tilfinningar. Forvarnarspilið, sem gefið var út samhliða, hefur að geyma sömu þætti og handbækurnar. Handbækurnar eru hugsaðar sem ítarefni á flokkum spilsins og leið fyrir leiðbeinanda til þess að auka þekkingu sína og unglinganna í þáttum spilsins. Í lok hverrar handbókar er svo að finna ýmis verkefni og spurningar sem bæði leiðbeinendurnir og unglingarnir geta nýtt sér. Þá er einnig að finna ítarefni í lok hverrar handbókar. Markmið verkefnisins er að auka forvarnarfræðslu unglinga á þeim þáttum sem teknir eru fyrir í forvarnarspilinu í hinu daglega lífi unglingsins á einn eða annan hátt.