Áhrif offitu/ofþyngdar á félagslegu hliðina

Abstract

Þetta verkefni er hefðbundin rannsóknarritgerð, þar sem aflað var gagna úr fræðilegum heimildum. Unnið var eftir rannsóknarspurningunni, hefur offita/ofþyngd áhrif á félagslega hlið einstaklings? Og einnig, getur offita/ofþyngd verið hindrun í tómstundastarfi? Því var markmiðið að rannsaka offitu/ofþyngd, félagslega sjálfið, mikilvægi tómstunda og tenginguna þar á milli. Skoðaðar voru rannsóknir og kenningar fræðimanna um það hvað er offita/ofþyngd, hvað eru tómstundir, skilgreining á félagslegu hlið einstaklings og áhrif offitu/ofþyngdar. Sérstaklega var svo skoðað hvernig offita/ofþyngd hefur áhrif á þátttöku og val á tómstundastarfi og einnig hvort offita/ofþyngd hafi áhrif á félagslegan styrkleika. Með þessari rannsóknarvinnu tel ég mig geta sagt það að offita/ofþyngd geti haft áhrif á félagslega stöðu einstaklings sem og þátttöku hans í tómstundum. Samt sem áður getur þátttaka í skipulögðu tómstundastarfi á margan hátt haft jákvæð áhrif á líf einstaklings, þar á meðal styrkt hann félagslega.