en English is Íslenska

Thesis University of Akureyri > Hug- og félagsvísindasvið > Meistaraprófsritgerðir >

Please use this identifier to cite or link to this item: http://hdl.handle.net/1946/1595

Title: 
  • is Réttarstaða barna sem þolendur kynferðisbrota
Abstract: 
  • is

    Í ritgerð þessari er fjallað um réttarstöðu barna sem þolendur kynferðisbrota. Eftir umfjöllun um réttarstöðuna hér á landi er gerður samanburður við réttarstöðu barna í Danmörku og Noregi. Samkvæmt lögum um meðferð opinberra mála nr. 19/1991 er börnum tilnefndur réttargæslumaður og þeim tryggður ákveðinn málshraði, þótt deila megi um það hvort um nægilegan hraða sé að ræða. Þá eiga þau rétt á að fá upplýsingar um gang mála og rétt á að fá aðgang að gögnum máls eftir að máli þeirra er lokið. Þau geta kært ákvarðanir lögreglu til ríkissaksóknara en kæruréttur þeirra á ákvörðunum ríkissaksóknara er ekki nægilega tryggður í núgildandi lögum. Þá eiga þau rétt á að dómþing í máli þeirra sé háð fyrir luktum dyrum og sakborningur víki úr þinghaldi meðan þau gefa skýrslu fyrir dómi. Enn fremur eiga þau rétt á að afmáð séu úr dómabókum persónulegar upplýsingar um þau, þótt deila megi um það hvort dómarar nýti sér þessa heimild í nægilega miklum mæli. Þá eiga börnin rétt á að fá greiddar dæmdar bætur úr ríkissjóði, þrátt fyrir að breyta megi framkvæmdinni hér á landi. Samkvæmt núgildandi lögum eru alvarlegustu kynferðisbrotin gegn börnum ófyrnanleg. Enn fremur er börnum tryggður trúnaður um mál þeirra í meðferð yfirvalda og með stofnun nýrra ríkisstofnana og frjálsra félagasamtaka hefur réttarstaða þeirra batnað. Samkvæmt núgildandi lögum er lögreglu skylt að leita atbeina dómara við skýrslutöku á rannsóknarstigi, en lagt er til að horfið verði aftur til framkvæmdarinnar eins og hún var fyrir gildistöku laga nr. 36/1999, þannig að skýrslutökurnar verði í höndum lögreglu, rétt eins og í Danmörku. Einnig er lagt til að sett verði skýr lagaákvæði sem banna myndatökur af brotaþolum í dómhúsum líkt og gert hefur verið í Danmörku og Noregi.

Description: 
  • is Verkefnið er lokað
Accepted: 
  • Jul 8, 2008
URI: 
  • http://hdl.handle.net/1946/1595


Files in This Item:
Filename Size VisibilityDescriptionFormat 
Efnisyfirlit.pdf59.47 kBOpenRéttarstaða barna sem þolendur kynferðisbrota - EfnisyfirlitPDFView/Open
Heimildaskrá.pdf117.11 kBOpenRéttarstaða barna sem þolendur kynferðisbrota - HeimildaskráPDFView/Open
Útdráttur.pdf48.51 kBOpenRéttarstaða barna sem þolendur kynferðisbrota - ÚtdrátturPDFView/Open
Réttarstaða barna sem þolendur kynferðisbrota_heild.pdf598.66 kBLockedRéttarstaða barna sem þolendur kynferðisbrota - HeildPDF