Renniloki í jarðvarmaumhverfi

Abstract

Verkefnið er hönnun renniloka sem ætlaður er sem inntaksloki inn á forskilju í Reykjanesvirkjun.Notaðir hafa verið spjaldlokar sem inntakslokar en þeir ná ekki að loka nógu vel sökum mikilla útfellinga úr jarðhitavökvanum. Hefur það haft í för með sér óhagræði í viðhaldi safnæða í kerfinu og jafnvel þurft að stöðva virkjunina til viðhalds.Lögð er áhersla á að hanna loka sem auðvelt er að smíða með verkfærum sem eru til í smiðjum á Íslandi, efni í hann sé auðfengið, að hann þoli vel óhreinindi, auðvelt sé að taka hann sundur til að þrífa hann og að sjálfsögðu verður hann að þola þann innri þrýsting sem er á kerfi virkjunarinnar.Virkni lokans er með þeim hætti að nota kerfisþrýstinginn til að þrýsta spjaldi að þéttiflötum en ekki að gera það með mekaniskum hætti.