is Íslenska en English

Lokaverkefni (Meistara) Háskólinn í Reykjavík > Tækni- og verkfræðideild > MEd / MPM / MSc verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16109

Titill: 
  • Fjölbreytileiki innan íbúðarhverfa í Reykjavík og húsnæði á viðráðanlegu verði
Námsstig: 
  • Meistara
Útdráttur: 
  • Eftirfarandi verkefni er meistaraprófsritgerð við námsbrautina umferð og skipulag við tækni-og verkfræðideild Háskólans í Reykjavík og er athugun á því hvernig til hefur tekist við skipulag grunnskólahverfa í Reykjavík með tilliti til fjölbreytileika íbúða innan hverfa og framboðs húsnæðis á viðráðanlegu verði. Einnig eru metnir möguleikar fjölskyldna á að flytjast um set innan samagrunnskólahverfis eftir því sem hagir breytast.
    Tilgangur rannsóknarinnar er að kanna hvort íbúðarhverfi í Reykjavík bjóði upp á fjölbreytileika hvað varðar stærð og verð íbúða, þar með talið íbúðir á viðráðanlegu verði. Rannsóknin sýnir í hvaða hverfum þetta hefur tekist best og af því má draga lærdóma sem nýta má við skipulag í framtíðinni.
    Í rannsókninni eru fræðilegar heimildir rýndar, meðal annars varðandi hugtakið húsnæði á viðráðanlegu verði (e. affordable housing). Á Íslandi er hvorki til opinber skilgreining á húsnæði á viðráðanlegu verði né stefna um æskilegan eða ásættanlegan húsnæðiskostnað. Erlend dæmi um hvernig skipulagsáætlanir og aðgerðaáætlanir eins og opinberar húsnæðisáætlanir eru nýttar til að tryggja nægt framboð húsnæðis á viðráðanlegu verði, eru einnig skoðuð. Loks eru grunnskólahverfi í
    Reykjavík greind með tilliti til fjölbreytileika og framboðs á húsnæði á viðráðanlegu verði.
    Niðurstaða rannsóknarinnar er að húsnæði á viðráðanlegu verði er ekki að finna í borginni þar sem húsnæðiskostnaður reyndist alls staðar yfir viðráðanlegum mörkum tekjulægsta hópsins. Einnig var húsnæðiskostnaður gjarnan lægra hlutfall af ráðstöfunartekjum leigjenda en þeirra sem búa í eigin húsnæði. Þetta sýnir mikilvægi þess að ríki og sveitarfélög sameinist um að skapa húsnæðiskerfi sem gerir lágtekjufólki og almennu launafólki kleift að komast yfir öruggt og viðráðanlegt húsnæði. Yfirvöld geta horft til ýmissa þátta í stefnum annarra landa við mótun stefnu í húsnæðismálum hér á landi. Nokkrum erlendum húsnæðisstefnum eru gerð skil í fræðilegum hluta verkefnisins.

Samþykkt: 
  • 8.8.2013
URI: 
  • http://hdl.handle.net/1946/16109


Skrár
Skráarnafn Stærð AðgangurLýsingSkráartegund 
Lokaverkefni_Hildur_Freysd.pdf2.07 MBOpinnHeildartextiPDFSkoða/Opna