en English is Íslenska

Thesis (Master's)

Reykjavík University > Tæknisvið / School of Technology > MEd/MPM/MSc Verkfræðideild (áður Tækni- og verkfræðideild) og íþróttafræðideild -2019 / Department of Engineering (was Dep. of Science and Engineering) >

Please use this identifier to cite or link to this item: http://hdl.handle.net/1946/16110

Title: 
  • Title is in Icelandic Styrkingar á límtrébitum með basalt- og glertrefjamottum
Degree: 
  • Master's
Abstract: 
  • Abstract is in Icelandic

    Timbur er eitt elsta byggingarefni sem menn hafa nýtt sér. Styrkur timbursins ræðst m.a. af gæðum efnisins, sem sagt hversu gallalaust það er. Dæmi um galla í timbri eru kvistir og sprungur. Með því að velja saman og líma gallalitlar timburfjalir fæst sterkara samsett timbur, sem kallað er límtré. Með því að styrkja límtrébita með efnum sem hafa meira styrktarþol en límtréð dreifir það álaginu frá göllum í timbrinu yfir á gallalaus svæði, og álagsþol bitanna eykst. Áhrifaríkt styrktarhlutfall getur leitt til plastískrar hegðunar í timbrinu í þrýstibrún þess, sem gerist nær aldrei í óstyrktu timbri.
    Markmið þessa verkefnis er að rannsaka styrktaraukningu límtrébita með trefjastyrktu epoxý efni (FRP). Efnin sem notuð voru eru basalttrefjar (BFRP) og glertrefjar (GFRP). Límtrébitarnir voru styrktir í neðri brún þeirra og niðurstöður tilraunanna bornar saman við útreikninga á styrktaraukningu límtrébitanna. Styrkingar á timburvirkjum með FRP hafa ekki verið teknar fyrir í stöðlum hvort sem um er að ræða BFRP eða GFRP. Tólf límtrébitar í flokki GL-32h, 3,2 metra langir, 65 mm breiðir og 167 mm á hæð voru brotnir í tveggja punkta álagsprófi. Fimm bitar voru styrktir með BFRP og fjórir með GFRP. Styrktarhlutfall BFRP og GFRP var haft það sama, eða um 0,5% af þversniðsflatarmáli límtrébitanna. Til samanburðar voru einnig 3 óstyrktir límtrébitar brotnir. Bitarnir sem voru styrktir voru valdir handahófskennt úr hópi þeirra bita sem í boði voru þannig að bestu bitarnir lentu ekki allir í sama flokknum.
    Niðurstöður tilraunanna sýna að hægt er að ná fram verulegri aukningu á beygjuvægiþoli bitanna og einnig eykst fjaðurstuðull þeirra umtalsvert, þó mun minna en styrktarþolið. Samanburður niðurstaðna úr tilraunum við útreiknuð gildi eftir þeim aðferðum sem notast var við, sýna að þar er að meðaltali er um 17-33% munur á, og er þá útreiknuð styrktaraukning vanáætluð miðað við niðurstöður tilraunarinnar. Niðurstöðurnar sýna einnig að bitarnir brotnuðu í mun seigara broti en óstyrktu bitarnir sem brotnuðu mjög snöggt.

Related Link: 
Accepted: 
  • Aug 8, 2013
URI: 
  • http://hdl.handle.net/1946/16110


Files in This Item:
Filename Size VisibilityDescriptionFormat 
Styrkingar á límtrébitum.pdf9.63 MBOpenComplete TextPDFView/Open