Íslensk fatahönnun : um neytendur íslenskrar fatahönnunar

Abstract

Síðustu ár hefur áhugi Íslendinga á skapandi greinum aukist og mikil gróska er í hönnun almennt. Markmiðið með rannsókn þessarar ritgerðar var að skoða hvernig neytendur skilgreina íslenska fatahönnun, hvers vegna þeir kaupa íslenska fatahönnun og hvað skiptir máli við slík kaup. Notast var við bæði eigindlegar og megindlegar aðferðir við rannsóknina. Tekin voru viðtöl við þrjá fagaðila sem starfa í greininni til að varpa ljósi á stöðu íslenskrar fatahönnunar. Þá var rýnihópur einnig kallaður saman til að ræða um íslenska fatahönnun. Niðurstöður rýnihópsins voru notaðar við mótun spurningakönnunar sem var lögð fyrir notendur Facebook og send með tölvupósti til nemenda við Háskólann á Bifröst.Helstu niðurstöður voru þær að fólk velur íslenska fatahönnun út frá fagurfræðilegum þáttum. Miklu máli skipti að flíkurnar væru fallegar, úr góðu efni, vel saumaðar og klassískar. Íslensk fatahönnun var skilgreind sem flík sem væri hönnuð af Íslendingi, óháð menntun hans og bakgrunni, og flík sem íslenskur fatahönnuður hannaði undir eigin nafni