Styrktarþjálfun í knattspyrnu og körfuknattleik karla

Abstract

Bæði körfuknattleikur og knattspyrna gera ákveðnar líkamlegar kröfur til leikmanna. Rannsókn þessi var gerð í þeim tilgangi að skoða hvernig styrktarþjálfun í íþróttagreinunum tveimur væri háttað. Rannsóknarspurningarnar voru: hver er tilgangur styrktarþjálfunar, hver sér um styrktarþjálfunina, hvernig er styrktarþjálfun skipulögð yfir allt árið og er munur á milli styrktarþjálfunar í knattspyrnu og körfuknattleik? Til að svara rannsóknarspurningunum fengu allir þjálfarar í efstu deild í körfuknattleik og knattspyrnu á Íslandi spurningalista um styrktarþjálfun hjá sínum liðum. Alls svöruðu tíu knattspyrnuþjálfarar af tólf og allir körfuknattleiksþjálfararnir, eða tólf. Samkvæmt niðurstöðum rannsóknarinnar er tilgangur styrktarþjálfunar í knattspyrnu að fyrirbyggja meiðsli, auka vöðvaþol og auka hraða og tilgangur styrktarþjálfunar í körfuknattleik er að auka styrk, sprengikraft og koma í veg fyrir meiðsli. Algengast er að sérhæfður styrktarþjálfari sjái um styrktarþjálfun liðanna en liðin leita til einstaklinga með ólíka menntun til að sjá um styrktarþjálfunina. Skipulag styrktarþjálfunar breytist á milli tímabila. Fjöldi styrktaræfinga í viku minnkar töluvert þegar á keppnistímabilið er komið. Helsti munur styrktarþjálfunar í körfuknattleik og knattspyrnu er sá að eftirfylgni er meiri í knattspyrnu.