Íþróttaþjálfun fyrir börn í áhættuhóp

Abstract

Með líkamlegri hreyfingu barna og ungmenna fylgir langvinnur ávinningur. Börn sem hreyfa sig á yngri árum eru líklegri til að hreyfa sig á unglings- og fullorðinsárum. Börn almennt þroskast á eðlilegan hátt í réttri tímaröð en sum börn gera það ekki. Börn með hreyfivanda hreyfa sig minna og eru í meiri áhættu en önnur börn með að verða of þung. Börn sem eru of þung eiga í hættu með að þróa með sér ýmsa lífsstílssjúkdóma eins og sykursýki II, háðþrýsting og hjarta- og æðasjúkdóma á efri árum. Of þung börn eiga færri vini og fá færri tækifæri til þess að taka þátt í íþróttum og leikjum með jafningjum sínum. Öll börn eiga rétt á viðeigandi kennslu í íþróttum og hreyfingu sem miðast við þeirra getustig. Þroskahömluð börn þurfa einstaklingsmiðaða þjálfun þar sem unnið er með hvern einstakling að þeirra markmiði. Könnun sem var gerð af höfundi sýndi fram á að börn í áhættuhóp þurfa á meiri hreyfingu en þau eru að fá í grunnskólum landsins. Vinna þarf með þau í smærri hópum þar sem hvert barn fær að njóta sín. Börn í áhættuhóp eru yfirleitt ekki virk í stórum hópum þar sem þau veigra sér við því að taka þátt í hreyfingu vegna hamlana sinna.