Karlmenn í grænlensku samfélagi

Abstract

Grænlenskt samfélag gekk í gegnum gríðarlega miklar breytingar á síðustu öld. Þá sérstaklega eftir að það varð ríkishluti innan danska ríkisins. En þá hófst hröð nútímavæðing sem fól í sér breytta atvinnu- og búsetuhætti. Þetta ferli hafði í för með sér ýmis félagsleg vandamál svo sem drykkju, ofbeldi og sjálfsvíg. Hér er tekin fyrir staða grænlenskra karlmanna í gegnum þetta ferli. En vegna sýnilegri viðbragða þeirra við breytingunum hefur því oft verið haldið á lofti að þeir hafi komið verr út úr ferlinu en grænlenskar konur. Ofbeldishegðun á meðal þeirra hefur farið vaxandi og einnig sjálfsvígstíðni. Í þessu sambandi eru einnig skoðuð verk fræðimanna um karlmennskuímyndir. Þemun feðraveldi, vinna og ofbeldi eru hér tengd við karlmenn í grænlensku samfélagi.