Bergmál sögunnar: Þýðing og kvikmyndaaðlögun skáldverks undir sama hatti?

Abstract

Verkefnið er tvíþætt. Í fyrri hluta þess eru tvær ólíkar endurspeglanir skáldverks skoðaðar. Annars vegar er rýnt í kvikmyndaaðlögun verksins og hins vegar íslenska þýðingu þess, og ferlin skoðuð á sameiginlegum forsendum þeirra. Spáð er í hlutverk tungumálaþýðandans og handritshöfundarins/leikstjórans, sem aðlagar skáldverkið, auk þess sem fjallað er um kvikmyndaaðlögun almennt með hliðsjón af þýðingafræðunum. Skáldsaga bresk-bandaríska rithöfundarins Christopher Isherwoods A Single Man frá árinu 1964 er miðpunktur umfjöllunarinnar og seinni hluti verkefnisins er íslensk þýðing bókarinnar undir heitinu Einsamall.