is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16406

Titill: 
  • Frá risaeðlu til riddara: Absúrdismi í þremur leikritum Odds Björnssonar
Námsstig: 
  • Bakkalár
Leiðbeinandi: 
Útdráttur: 
  • Í þessari ritgerð eru þrjú leikrit eftir Odd Björnsson borin saman við helstu kenningar nokkurra fræðimanna um absúrdleikhúsið með það að markmiði að varpa ljósi á absúrdísk einkenni þeirra. Absúrdismi var angi af framúrstefnu í listum sem kom fram í kjölfar seinni heimsstyrjaldarinnar, einkum í leikritun. Leikhúsið varð þá vettvangur til að fá útrás fyrir og miðla innibyrgðum tilfinningum og óánægju almennings. Fjallað er um kenningar Martins Esslin, Leonards Pronko og George E. Wellwarth um absúrdisma og þá framúrstefnu sem kom fram í leikhúsi fáránleikans. Inntak þeirra er svo nýtt í tilraun til að setja saman uppskrift af absúrdísku verki og leikrit Odds eru borin saman við þá forskrift.
    Oddur fæddist árið 1932 og stundaði nám í leikhúsfræðum við Háskólann í Vín. Hann var afkastamikið skáld og skrifaði m.a. fimmtán sviðsleikrit og á yfir þriðja tug útvarpsverka. Verkin sem eru skoðuð í ritgerðinni eru einþáttungarnir Partí og Við lestur framhaldssögunnar sem frumsýndir voru hjá Leikhópnum Grímu árið 1963 og 13. krossferðin, sem Þjóðleikhúsið frumsýndi árið 1993. Upphafi og þróun íslenskrar leikritunar eru gerð nokkur skil, einkum til að sýna fram á þær aðstæður sem ríkjandi voru þegar Oddur kemur fram á sjónarsviðið sem höfundur. Auk þess er farið yfir ævi og störf Odds, hans helstu verk og rætt um ástæður þess að hann gerðist leikskáld.

Samþykkt: 
  • 6.9.2013
URI: 
  • http://hdl.handle.net/1946/16406


Skrár
Skráarnafn Stærð AðgangurLýsingSkráartegund 
B.A. ritgerð - Eydís Inga.pdf368.94 kBOpinnHeildartextiPDFSkoða/Opna