„Stofnanamyndin“ sem sérstök gerð kvikmynda: Samanburður á höfundarverki Friðriks Þórs Friðrikssonar og Fredericks Wiseman

Abstract

Í þessari ritgerð eru teknar fyrir nokkrar „stofnanamyndir“ en það eru kvikmyndir sem tengjast þematískt vegna sameiginlegrar áherslu á gagnrýni á stofnanir og geta því jafnt tilheyrt leiknum kvikmyndum, heimildarmyndum og tilraunamyndum. Lögð er áhersla á að myndirnar hafi bæði sögulegt og samfélagslegt gildi. Til samanburðar voru valdar kvikmyndir gerðar af leikstjórunum Frederick Wiseman og Friðriki Þór Friðrikssyni og er fjallað um þær út frá gerð þeirra og áherslum annars vegar og viðtökum hins vegar. Þar sem myndir Wisemans flokkast undir svokallaðar athugunarmyndir (e. Direct Cinema) er þeirri hreyfingu gerð sérstök skil ásamt því að skoða tengsl Friðriks Þórs við hreyfinguna en hana má vel greina í sumum verka hans.