Samrunar sjávarútvegsfyrirtækja í Kauphöll Íslands: Hvað bjó að baki?

Abstract

Á 10. áratug 20. aldar einkenndist Kauphöll Íslands fyrst og fremst af skráningum sjávarútvegsfyrirtækja og á tímabili hugðist kauphöllin sérhæfa sig sem markaður fyrir slík félög. Fljótlega uppúr aldamótum hrundu svo sjávarútvegsfyrirtækin útaf markaði ástuttum tíma og í dag stendur aðeins eitt eftir. Í þessari ritgerð verður varpað ljósi á þessa þróun þá sérstaklega með tilliti til samruna og yfirtöku. Gerð verður grein fyrir helstu tegundum samruna og hvaða hvatar liggja þar helst að baki. Einnig verðasvokallaðar samrunabylgjur útskýrðar og hvernig þær verða til. Því næst er þróun sjávarútvegsfyrirtækja á markaði reifuð útfrá tölulegum gögnum. Samhliða því fer fram rannsókn á samrunum þeirra félaga sem á markaði voru. Rannsóknin er töluleg greining þar sem notast var einna helst við ársreikninga ásamt gögnum úr fræðigreinum. Tilgangur hennar er að kasta skýrari mynd á hvað bjó að baki. Niðurstöður ritgerðarinnar eru svo túlkaðar með hliðsjón af fyrrnefndri rannsókn og kenningum.