is Íslenska en English

Lokaverkefni Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16570

Titill: 
  • Af hverju búum við þar sem við búum? Húsnæðisverð í hverfum höfuðborgarinnar
Skilað: 
  • Október 2013
Útdráttur: 
  • Viðfangsefnið er að skoða myndun og þróun á fasteignaverði eftir hverfum. Leitast verður við að skoða þetta út frá hagfræðilegu sjónarmiði, þ.e. hvers vegna myndun á íbúðaverði er ólík eftir hverfum og sérstaklega hvað veldur því að miðbær Reykjavíkur hefur frá því undir lok síðustu aldar verið dýrasta hverfi borgarinnar. Einnig verður kannað hvaða hagrænu hvatar valda því að fermetraverð þar er hátt, en lægra í úthverfunum.
    Í upphafi er skoðað hvernig þéttbýlið myndast og af hverju, bæði almennt og með tilliti til Reykjavíkur og hvernig myndun hennar er ólík borgunum í kringum okkur. Þá eru skoðaðar helstu kenningar sem segja til um það hvers vegna verðmyndun er ólík eftir staðsetningu innan þéttbýlisins. Farið er aftur til frumkvöðla hagfræðinnar og skoðaður sá grundvöllur sem þeir lögðu til og lifir góðu lífi enn í dag. Þvínæst er kannað hvaða kenningar um efnið hafa komið fram á undanförnum árum og hverju þær bæta við fyrri kenningar.
    Reykjavík er borin saman við tvær aðrar borgir, London og Kaupmannahöfn, og skoðað hvað er sameiginlegt og hvað ólíkt í þróun íbúðaverðs í borgunum þremur. Kannað verður hvernig þróunin þar passar við kenningarnar og líkönin sem kynnt hafa verið til sögunnar.
    Að lokum verður skoðað hvaða þættir hafa áhrif á tilfærslu íbúa á milli hverfa, hvaða hlutverk tekjur spila þegar þær eru kannaðar með tilliti til búsetu. Einnig verður könnun um Húsnæðis- og búsetuóskir Reykvíkinga, sem framkvæmd var fyrir Umhverfissvið Reykjavíkur, skoðuð og mat lagt á hvaða upplýsingar hún gefur okkur sem nýtast við að svara spurningunni sem sett var fram í upphafi.

Samþykkt: 
  • 20.9.2013
URI: 
  • http://hdl.handle.net/1946/16570


Skrár
Skráarnafn Stærð AðgangurLýsingSkráartegund 
Af hverju búum við þar sem við búum - Sigurður H. Ólafsson.pdf1.2 MBOpinnHeildartextiPDFSkoða/Opna