Birkir og Jóhanna læra á umhverfið : myndband og skýrsla

Abstract

Vorið 2013 luku 26 nemar í grunnskólakennarafræði skapandi hópverkefni til B.Ed.-prófs með áherslu á samvinnu og skapandi vinnubrögð. Hópurinn ákvað að fást við þverfaglegt nám og námsefni og læsi í víðum skilningi. Undirhópar skiluðu fimm verkefnum sem mynduðu sýningarheild á Menntavísindasviði 19. apríl 2013. Hverju verkefni fylgir skýrsla þar sem lýst er fræðagrunni og hvernig skapað var út frá honum. Skapandi hópverkefni er birt í heild sinni á http://skrif.hi.is/skapandihopverkefniBEdVið ákváðum að vinna þverfaglegt kennsluefni um umhverfislæsi og tengsl þess við sjálfbærni því það er efni sem er okkur hugleikið. Myndbandið er hugsað sem kveikja fyrir kennslu barna á yngsta og miðstigi grunnskóla. Það ber yfirskriftina Birkir og Jóhanna læra á umhverfið og er unnið með tækni sem kallast stop motion eða „kyrr hreyfing” þar sem röð ljósmynda myndar hreyfimynd. Myndbandið segir frá degi í lífi systkina sem öðlast þekkingu, leikni og hæfni í umhverfislæsi. Í skýrslunni er farið í fræðin á bakvið umhverfislæsi og sjálfbærni, hugtök skilgreind og tengd við myndbandið. Einnig er sagt frá sköpunarferlinu og hvernig gekk að koma fræðilegu efni á skapandi form. Í viðauka er að finna efni frá sýningu verkefnisins. Þar má finn veggspjöld með skilgreiningum hugtaka, kennsluhugmyndum og ljósmyndum frá ferlinu.