Stærðfræðarinn : greinargerð um gerð stærðfræðismáforrits

Abstract

Í þessari greinargerð er fjallað um ástæður þess að ég ákvað að hanna smáforrit sem lokaverkefni á Menntavísindasviði. Það er einnig greint frá vinnunni og ferlinu við gerð smáforritsins. Sagt er frá því af hverju smáforrit geta nýst í kennslu og námi. Þegar ég fór á sjá fyrir endann á námi mínu við Menntavísindasvið fór ég að velta fyrir mér hvað ég ætti að taka mér fyrir hendur í lokaverkefninu og hvernig best væri að finna verkefni sem tengdist áhugasviði mínu. Ýmsar hugmyndir flugu um huga minn en ég hafði mikinn hug á að tengja saman kjörsvið mín en þau eru stærðfræði og upplýsingatækni og miðlun. Að lokum fékk ég þá hugmynd að búa til smáforrit fyrir spjaldtölvur, þrátt fyrir reynsluleysi í gerð smáforrita. Ég hef lítillega unnið með iPad-spjaldtölur í skólanum þar sem ég starfa og einnig hef ég mjög mikinn áhuga á því að vinna meira með tæknina og koma henni inn í skólann af meiri krafti. Smáforritið er því góð viðbót við þá flóru hjálpartækja sem standa nemendum til boða. Í Aðalnámskrá grunnskóla segir ennfremur að við lok grunnskóla eigi nemendur að kunna skil á algengum hugtökum og undirstöðusetningum sígildrar rúmfræði. Smáforritið tengir saman þessi markmið aðalnámskrár og gæti því nýst nemendum og skólum vel.