en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/1686

Title: 
  • is Ímynd Íslands í Danmörku
Abstract: 
  • is

    Ritgerð þessi fjallar um ímynd Íslands í augum íbúa Danmerkur. Markmið
    hennar er að finna út hvernig þeir sjá Ísland og hvað það er sem þeir vita
    um landið. Vita þeir hvað Ísland hefur upp á að bjóða og er almennur
    áhugi hjá þeim að ferðast til landsins. Athugað verður hvort sú mynd sem
    Danir sjá af Íslandi sé sú sama og ímyndin sem Íslendingar sjá og vilja að
    sé af landinu.
    Í fræðilegum kafla ritgerðarinnar er fjallað um Ísland sem áfangastað
    ferðamanna og almennt um ferðaþjónustu á Íslandi. Gert verður grein fyrir
    hugtakinu ímynd og farið verður í innri ímynd og ytri ímynd og hvað góð
    ímynd er mikilvæg fyrir áfangastaði.
    Álit Dana á Íslandi var kannað með spurningalista, farið var í fyrirtæki,
    skóla og á lestarstöð í bænum Sønderborg á suður Jótlandi í Danmörku.
    Þar voru einstaklingar valdir af handahófi til að svara tólf spurningunum
    og var úrtakið 133 manns. Einnig var hannaður annar spurningarlisti en
    hann var lagður fyrir Íslendinga á netinu til að kanna hvaða ímynd þeir
    höfðu á eigin landi. Spurningarnar voru tíu og var úrtakið 160 manns.
    Niðurstöður frá báðum spurningalistunum voru bornar saman með því að
    athuga hvort að svörin sem fengust frá Dönum voru í samræmi við svörin
    frá Íslendingum og ættu þær að gefa heildarmynd af viðhorfum Dana til
    Íslands.
    Niðurstöður úr þessari ritgerð geta nýst vel í ferðaþjónustunni á Íslandi.
    Ferðaþjónustufyrirtæki sem eru að markaðssetja sig í Skandinavíu geta séð
    hvort þeir séu á réttri leið með markaðssetninguna og hvort þau skilaboð
    sem þeir vilja, séu að komast til skila.
    Niðurstöðurnar benda til þess að ímynd Íslands sé almennt jákvæð en þó
    er ekki mikil þekking um Ísland á meðal Dana, ímyndin er að mestu tengd
    við náttúruna bæði meðal Dana og Íslendinga.

Description: 
  • is Verkefnið er lokað
Accepted: 
  • Jul 15, 2008
URI: 
  • http://hdl.handle.net/1946/1686


Files in This Item:
Filename Size VisibilityDescriptionFormat 
SAS.LOK2106.pdf2.61 MBLockedÍmynd Íslands í Danmörku-heildPDF