is Íslenska en English

Lokaverkefni (Meistara)

Háskólinn í Reykjavík > Tæknisvið / School of Technology > Med/MSc Tækni- og verkfræðideild (-2019) / School of Science and Engineering >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16913

Titill: 
  • Landspítali, áhrif á ferðamyndun og bílastæði
Námsstig: 
  • Meistara
Útdráttur: 
  • Rannsókn þessi er unnin á sviði umferðar og skipulags við Háskólann í Reykjavík.
    Notaðar eru upplýsingar um starfsemi Landspítala og ferðavenjukannanir því tengdar til að áætla ferðamyndun vegna núverandi starfsemi Landspítalans og þá aukningu sem verður með tilkomu nýs spítala við Hringbraut. Reiknuð er áætluð þörf fyrir breyttar ferðavenjur starfsfólks Landspítalans auk nemenda og kennara Háskóla Íslands m.t.t. framboðs bílastæða við nýjan Landspítala. Lagt er mat á það hvort reiknuð ferðamyndun skv. jöfnu umferðarspálíkans gefi raunsæja mynd af núverandi og framtíðar ástandi umferðar vegna tilkomu nýs Landspítala við Hringbraut.
    Tilgangur – Tilgangurinn með rannsókninni er að varpa ljósi á það ástand sem getur skapast með tilkomu nýs spítala á bílastæðamál við Hringbraut og áhrifin sem þau geta haft á breyttar ferðavenjur.
    Nálgun – Ný nálgun var notuð við að áætla ferðamyndun vegna Landspítalans og Háskóla Íslands þar sem safnað var saman upplýsingum um starfsemi, skipulag og ferðavenjur. Upplýsingarnar voru notaðar til að áætla aukningu umferðar vegna tilkomu nýs spítala og rýnt var í fræðilegar heimildir til að setja niðurstöðurnar í samhengi.
    Niðurstöður – Þær athuganir sem gerðar voru í þessari rannsókn leiða í ljós að fyrirhugaður fjöldi bílastæða við nýjan Landspítala við Hringbraut dugar ekki miðað við óbreyttar ferðavenjur. Mæta þarf aukinni eftirspurn eftir bílastæðum með breyttum ferðavenjum þannig að dregið verði úr notkun einkabílsins í og úr vinnu um allt að helming frá því sem nú er.

Samþykkt: 
  • 26.11.2013
URI: 
  • http://hdl.handle.net/1946/16913


Skrár
Skráarnafn Stærð AðgangurLýsingSkráartegund 
Meistararitgerð_Lokaskýrsla_9.maí.pdf6.42 MBOpinnHeildartextiPDFSkoða/Opna