Breytinga- og ferlastjórnun : innleiðing á SAP hugbúnaðarkerfi hjá Eimskip

Abstract

Viðfangsefni þessarar ritgerðar er að kanna hvernig ferlastjórnun getur lagt breytingastjórnun lið við að koma breytingum fyrir og betur en ella. Einnig er greint hvernig staðið var að innleiðingu á SAP tölvukerfinu hjá Eimskip, sérstaklega hvernig staðið var að innleiðingunni gagnvart starfsfólki.Til þess að svara rannsóknarspurningum verkefnisins voru fræðin á bak við breytinga- og ferlastjórnun skoðuð. Þá var bæði beitt megindlegum og eigindlegum rannsóknaraðferðum. Megindlega rannsóknin var í formi spurningakönnunar á rafrænu formi. Hún var send út með tölvupósti til 45 starfsmanna sem unnið höfðu frá innleiðingu nýs hugbúnaðarkerfis hjá fyrirtækinu í tvö ár eða meira. Þessi könnun var framkvæmd með vefforritinu Outcome, sem er í eigu Outcome hugbúnaðar ehf. Eigindlega rannsóknin byggðist upp á tveimur viðtölum við starfsmenn sem unnið höfðu að innleiðingu SAP hugbúnaðarkerfisins.Helstu niðurstöður rannsóknarinnar eru að þegar eiga sér stað breytingar í fyrirtækjum ættu fyrirtæki að nýta sér ferlastjórnun. Ef ferlasjtórnun er beitt rétt getur það fært breytingastjórnun lið á þann hátt að þegar breytingar eiga sér stað þá er búið að útbúa feril yfir breytinguna þannig að starfsmaður á auðveldara með að vinna sig í gegnum þá breytingu sem orðið hefur. Vel hannaðir ferlar leiða til jákvæðara viðmóts starfmanna til breytinga. Vinna þarf að kröftugum kynningarferlum samfara breytingunum.Innleiðing á SAP hugbúnaðarkerfi hjá Eimskip er viðamikið verkefni og krefst mikils undirbúnings. Í innleiðingu verður að huga vel að starfsfólki og ekki má gleyma hagsmunum, áhuga og viðhorfi starfsmanna.