Lífeyrissjóðirnir : yfirfærsla úr hlutfallssjóði í stigasjóð

Abstract

Öllum launþegum er skylt að tryggja sér lífeyrisréttindi með því að greiða í lífeyrissjóð frá 16 ára aldri, eða frá því að þeir fara út á vinnumarkaðinn, og þar til þeir verða 70 ára. Þau réttindi sem hægt er að ávinna sér eru mjög sambærileg á milli lífeyrissjóða, en þó er nokkur munur á þeim kerfum sem lífeyrissjóðirnir starfa eftir.Meginmarkmið þessarar rannsóknar var að skoða flutning úr lífeyrissjóðum sem starfa sem hlutfallssjóðir, yfir í lífeyrissjóði sem starfa sem stigasjóðir og þá með áherslu á valda þætti sem varða eftirlaun, makalífeyri, barnalífeyri og örorkulífeyri.Skoðaðar voru samþykktir lífeyrissjóðanna og greindur munur á ofangreindum þáttum. Auk þessa voru skoðuð tvö tilbúin dæmi um stöðu launþega sem fluttur er úr hlutfallssjóði yfir í stigasjóð.Niðurstöður rannsóknarinnar undirstrika mikilvægi þess að launþegar skoði vel þann lífeyrissjóð sem þeir ætla að greiða í eftir flutninginn. Hver einstaklingur þarf að meta stöðu sína, meðal annars með hliðsjón af því hvort um er að ræða barnafjölskyldu og á hvaða aldri launþeginn er þegar yfirfærslan á sér stað, og velja síðan þann lífeyrissjóð sem kemst næst þörfum hans.Það liggur fyrir að réttindi í hlutfallssjóðum eru betri heldur en í stigasjóðum, og þá aðallega réttindi á eftirlaunum og makalífeyri, þannig að skerðing á sér stað í flestum tilfellum við flutninginn.