Alzheimerssjúkdómur: Meðferðar- og stuðningsúrræði

Abstract

Heilabilun er eitt af stærstu heilbrigðisvandamálum í heiminum nú á tímum og ekkert bendir til annars en að svo verði áfram í ljósi þess að öldruðum einstaklingum mun fjölga töluvert á næstu árum. Mikilvægt er að skoða meðferðarúrræði til að létta heilabiluðum og aðstandendum þeirra glímuna við afleiðingar þessa alvarlega sjúkdóms. Í þessari ritgerð mun ég fjalla um meðferðarúrræði við heilabilun og gera grein fyrir Alzheimerssjúkdómi sem dæmi um slíkan sjúkdóm. Einnig verður fjallað um þær aðferðir sem notaðar eru við greiningu á heilabilun. Auk þess skoðaði ég með hvaða hætti félagsráðgjafar geta hjálpað þessum hóp sjúklinga. Eins og fjallað er um í ritgerðinni þá eru mörg og ólík meðferðarúrræði í boði. Rannsóknir sýna fram á ágætan árangur þessara fjölbreyttu úrræða á aukna vellíðan einstaklinga.