en English is Íslenska

Thesis University of Akureyri > Heilbrigðisvísindasvið > B.S. verkefni >

Please use this identifier to cite or link to this item: http://hdl.handle.net/1946/172

Title: 
  • Title is in Icelandic Iðja kvenna í kjölfar greiningar og meðferðar á brjóstakrabbameini
Abstract: 
  • Abstract is in Icelandic

    Tilgangur þessarar rannsóknar var að varpa ljósi á iðju og þátttöku kvenna í kjölfar greiningar og meðferðar á brjóstakrabbameini. Lagt var upp með rannsóknarspurninguna: Hver er upplifun kvenna sem greinst hafa með brjóstakrabbamein af eigin iðju og þátttöku í samfélaginu? Þátttakendur voru átta konur sem greinst höfðu með brjóstakrabbamein fyrir einu til sex árum, höfðu lokið meðferð og ekki notið þjónustu iðjuþjálfa. Allar konur á póstlista Samhjálpar kvenna fengu upplýsingar um rannsóknina og var boðin þátttaka. Til að svara spurningunni voru tekin viðtöl og stuðst við viðtalsramma bandaríska matstækisins Occupational Performance History Interview II (OPHI – II). Gögnin voru kóðuð og flokkuð og þannig urðu til eftirfarandi fimm þemu: lífsstefnan, hin líkamlega vera, eflandi aðstæður, fjölskyldulíf og úrræði í heilbrigðis- og félagskerfinu. Helstu niðurstöður rannsóknarinnar voru þær að allar konurnar upplifðu breytingar á daglegri iðju í kjölfar greiningar og meðferðar á brjóstakrabbameini. Niðurstöðurnar gáfu einnig til kynna að það að greinast með krabbamein var ekki eingöngu neikvætt fyrir konurnar, því lífstaktur og sýn þeirra á hvað skipti máli hafði breyst á jákvæðan hátt. Forgangsröðun verkefna breyttist og þær fóru að leggja meiri rækt við sjálfa sig, huguðu meira að heilsusamlegu líferni auk þess sem þessi erfiða lífsreynsla hafði gert þær að sterkari og sjálfstæðari einstaklingum. Það kom einnig í ljós að þátttaka í innihaldsríkri iðju skipti þær máli til að ná lífsfyllingu og stuðlaði að bættri andlegri og líkamlegri heilsu. Úrræði og stuðningur til uppbyggingar eftir hefðbundna læknismeðferð voru af skornum skammti. Í ljósi niðurstaðna rannsóknarinnar er þörf á eflingu og þróun á þjónustu iðjuþjálfa með það að markmiði að veita betri og markvissari þjónustu við konur með brjóstakrabbamein. Sérþekking iðjuþjálfa á mikilvægi iðju ásamt heildarsýn á aðstæður einstaklinga getur stuðlað að betri þjónustu við þennan hóp.
    Lykilhugtök: brjóstakrabbamein – breytingar á iðju – lífsstefna – eigindleg rannsókn –
    OPHI-II.

Accepted: 
  • Jan 1, 2005
URI: 
  • URI is in Icelandic http://hdl.handle.net/1946/172


Files in This Item:
Filename Size VisibilityDescriptionFormat 
idjakv.pdf401.4 kBOpenIðja kvenna í kjölfar greiningar og meðferðar á brjóstakrabbameini - heildPDFView/Open