en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/1720

Title: 
  • is Innleiðingaferli breytinga hjá Fasteignaþjónustu Glitnis
Abstract: 
  • is

    Glitnir hf. og hans forverar eiga yfir 100 ára fjármálasögu á Íslandi. Glitnir hf. er fjármálafyrirtæki sem á rætur sínar að rekja til þess tíma er Íslandsbanki hinn gamli var stofnsettur árið 1904. Árið 2004 hóf Glitnir að veita viðskiptavinum sínum lán til húsnæðiskaupa. Í fyrstu sáu útibú bankans um málefni varðandi fasteignalán en árið 2006 var hafist handa við að færa umsýslu fasteignalána frá útibúum til Fasteignaþjónustu Glitnis.
    Margar ástæður geta legið að baki þörfinni fyrir skipulagsbreytingar. Í fjármálaumhverfinu ber helst að nefna alþjóðavæðingu og minnkandi viðskiptavinatryggð sem orsakar síbreytilegt umhverfi fjármálafyrirtækja. Glitnir er þjónustufyrirtæki þar sem einblínt er á þarfir viðskiptavinarins. Glitnir hefur kappkostað að ráða til sín hæft og metnaðarfullt starfsfólk og stjórnendur bankans meta gildi mannauðs og hversu mikilvægur mannauður er fyrir framtíð bankans í heild.
    Til að meta og skoða ferli breytinga hjá Glitni var ferlið borið saman við kenningar John P. Kotter um breytingastjórnun. Hann setti fram átta skref um ferli breytinga sem fyrirtæki geta stuðst við svo breytingaferli verði sem árangursríkast. Stjórnun breytinga er krefjandi verkefni og snúast innleiðingar breytinga um fólk og athafnir þess. Við innleiðingu breytinga þurfa þættir eins og mannauður, fyrirtækjamenning, viðbrögð starfsfólks við breytingum og framtíðarsýn fyrirtækisins að vera í forgrunni hjá stjórnendum svo breytingar verði árangursríkar.

Description: 
  • is Verkefnið er lokað til júlí 2013
Accepted: 
  • Jul 21, 2008
URI: 
  • http://hdl.handle.net/1946/1720


Files in This Item:
Filename Size VisibilityDescriptionFormat 
Innleiðingaferli breytinga hjá Fasteignaþjónustu Glitnis - heild.pdf2.69 MBOpenInnleiðingaferli breytinga hjá Fasteignaþjónustu Glitnis - heildPDFView/Open