Hönnun og smíði á pyrolysis kerfi til endurvinnslu á hjólbörðum

Abstract

Svonefnd pyrolysa (e. pyrolysis) er aðferð til að brjóta niður lífræn efnasambönd með hitun við súrefnisfyrrtar aðstæður. Áhugi fyrir því að nota aðferðina við endurvinnslu, m.a. á hjólbörðum, hefur vaxið mikið síðan árið 1990. Hjólbarðar eru sérstaklega erfiðir í endurvinnslu þar sem að þeir eru hannaðir til að standast mikið álag og eru því mjög sterkbyggðir. Í þessu verkefni var hannað og smíðað pyrolysis kerfi sem notað var til að endurvinna hjólbarða niður í brennanleg gös, olíu, stálvíra og kol. Olían sem fékkst var prófuð á díselvél í 50% hlutfalli við díselolíu, og var vélin sveiflugreind til þess að bera saman frammistöðu blönduðu olíunnar og óblönduðu díselolíunnar. Niðurstöður sveiflugreiningarinnar gáfu til kynna að dekkjaolían væri sambærileg díselolíu og með frekari hreinsun væri því möguleiki á að nýta hana saman með díselolíu sem eldsneyti á bifreiðar.