en English is Íslenska

Thesis University of Akureyri > Heilbrigðisvísindasvið > B.S. verkefni >

Please use this identifier to cite or link to this item: http://hdl.handle.net/1946/175

Title: 
  • is Notkun matstækjanna AMPS og MBI við færnimat aldraðra
Abstract: 
  • is

    Iðjuþjálfar vinna með skjólstæðingum sínum við að efla færni þeirra með það að markmiði að skjólstæðingarnir öðlist meira sjálfstæði og lífsfyllingu. Í upphafi íhlutunarferlisins metur iðjuþjálfi færni skjólstæðinga sinna með tilliti til endurhæfingar og annara úrræða. Samfélagið gerir sífellt meiri kröfur um gæði, hraða, hagkvæmni og sparnað í heilbrigðiskerfinu. Þar eru störf iðjuþjálfa ekki undanskilin og er því mikilvægt að iðjuþjálfar noti matstæki sem eru fljótleg og gefa áreiðanlegar niðurstöður. Tilgangur rannsóknarinnar var að fá úr því skorið hvort matsniðurstöður Assessment of Motor and Process Skills (AMPS) og Modified Barthel Index (MBI) væru samhljóma. AMPS er iðjumiðað og ítarlegt matstæki, en er tímafrekt í framkvæmd og krefst þess að iðjuþjálfinn hafi farið á námskeið. MBI er þverfaglegt matstæki sem er einfalt og fljótlegt í framkvæmd og krefst ekki námskeiðs. Við framkvæmd rannsóknarinnar var notuð megindleg rannsóknaraðferð og niðurstöður settar fram með lýsandi tölfræði. Úrtakið í rannsókninni voru 30 einstaklingar, 67 ára og eldri sem ekki höfðu verið greindir með elliglöp, 20 inniliggjandi á Landspítala Háskólasjúkrahúsi og 10 íbúar á Droplaugarstöðum hjúkrunarheimili. Við samanburð á niðurstöðum matstækjanna kom fram marktæk fylgni milli þess kvarða AMPS sem fjallar um framkvæmdaþætti er varða hreyfingu og MBI en ekki milli MBI og þess hluta AMPS sem fjallar um framkvæmdaþætti er varða verkferli. Þetta gefur vísbendingu um að niðurstöður matstækjanna séu samhljóma hvað líkamlega færni snertir. Mikill munur var á þeim tíma er matsferli matstækjanna tveggja tók. Matsferli AMPS tók í öllum tilfellum mun lengri tíma í heildina en matsferli MBI.
    Lykilhugtök: Assessment of Motor and Process Skills (AMPS), Modified Barthel Index (MBI), færnimat, athafnir daglegs lífs (ADL) og aldraðir.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2005
URI: 
  • http://hdl.handle.net/1946/175


Files in This Item:
Filename Size VisibilityDescriptionFormat 
AMPS.pdf6.06 MBMembersNotkun matstækjanna AMPS og MBI við færnimat aldraðra - heildPDF
AMPS-e.pdf83.16 kBOpenNotkun matstækjanna AMPS og MBI við færnimat aldraðra - efnisyfirlitPDFView/Open
AMPS-h.pdf100.77 kBOpenNotkun matstækjanna AMPS og MBI við færnimat aldraðra - heimildaskráPDFView/Open
AMPS-u.pdf68.09 kBOpenNotkun matstækjanna AMPS og MBI við færnimat aldraðra - útdrátturPDFView/Open