Sennileg afleiðing í skaðabótarétti og tenging reglunnar við vinnuslys

Abstract

Í þessari ritgerð verður farið þá leið að fjalla nánar um regluna um sennilega afleiðingu án þess að fjalla um samhengi hennar við regluna um orsakatengsl. Byrjað verður á því að skoða eldri kenningar fræðimanna og hvaða skilning fræðimenn settu í regluna um sennilega afleiðingu á fyrri tímum. Þá er skoðað hvað felst í reglunni og hvaða skilyrði þarf að uppfylla til að reglan geti átt við. Því næst verður fjallað um hvað þýðingu bótareglur hafa fyrir starfsmenn vinnustaða og hvaða farveg mál vegna vinnuslysa þurfa að fara í. Dómur Hæstaréttar, Hrd. 19. janúar 2012 (426/2011), verður reifaður ítarlega þar sem deilt var um sennilega afleiðingu þegar slys varð á starfsmanni álversins á Grundartanga og skoðað verður hvort dómurinn falli að reglunni. Síðast verður farið yfir niðurstöðu ritgerðarinnar og lagt mat á hvaða þýðingu sennileg afleiðing hefur í dómaframkvæmd.