Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/17525
Að brenna út í starfi, kulnun, er mikilvægt viðfangsefni fyrir stjórnendur og starfsmenn í mörgum starfsgreinum. Rannsóknir á þessu sviði sýna að starfsstéttir sem starfa við andlega krefjandi aðstæður eru líklegri en aðrar til að þróa með sér einkenni kulnunar. Tilgangurinn með ritgerð þessari er að skoða hvort prestastéttin á Íslandi sé í áhættuhópi hvað þetta varðar, ásamt því að athuga hvort og þá hvaða hlutverki prestar hafi að gegna þegar kemur að því að draga úr líkum á að starfsmenn annarra stofnana brenni út í starfi.
Sálgæsla og handleiðsla í vinnuumhverfi eru lykilhugtök varðandi þau efni sem hér eru til skoðunar. Hvað felst í sálgæslu og handleiðslu? Hvernig er þessi þjónusta útfærð? Hefur slík þjónusta forvarnarlegt gildi þegar kemur að kulnunareinkennum í starfi?
Í ritgerðinni verður farið yfir inntak sálgæslu presta og varpað ljósi á hlutverk þessarar þjónustu þegar kemur að því að hjálpa starfsfóki að vinna úr álagi og áföllum á uppbyggilegan máta. Þá verður skoðað hver aðgangur presta er að sálgæslu og handleiðslu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Karen Lind Ólafsdóttir.pdf | 455,62 kB | Opinn | Heildartexti | Skoða/Opna |