is Íslenska en English

Lokaverkefni (Bakkalár) Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17566

Titill: 
  • Óheiðarleiki samkvæmt 33. gr. samningalaga: Ástæður þess að oftast er hafnað að beita 33. gr.
Námsstig: 
  • Bakkalár
Útdráttur: 
  • Ein af meginforsendum þess að ganga til samninga er að geta treyst því að þeir verði efndir. Meginreglurnar um samningsfrelsi og að samninga skuli halda gegna stóru hlutverki í því að framfylgja þessari meginforsendu. Aðstæður geta þó verið með því móti að ógilda þurfi löggerning og hverfa því frá síðarnefndu meginreglunni. Koma þá ógildingarreglur III. kafla laga um samningsgerð, umboð og ógilda löggerninga nr. 7/1936 (hér eftir skammstöfuð sml.) helst til álita og er megintilgangur þeirra að sporna við misnotkun á samningsfrelsinu.
    Gildir löggerningar eru grundvallarforsenda þess að viðskiptalífið gangi líkt og smurð vél. Eftir því sem viðskiptalífið verður fjölbreyttara og þróaðra verða reglur um stofnun og réttaráhrif samninga flóknari og margbrotnari. Á slíku sviði, þar sem samningar ráða ríkjum, er áhugavert að sjá hvenær ógilda megi samninga og hvenær ekki.
    Meginefni þessarar ritgerðar er ógildingarákvæði samningaréttarins sem fjallar um ógildingu samninga vegna óheiðarleika samkvæmt 33. gr. sml. Umfjöllun í ritgerðinni afmarkast því aðallega af óheiðarleikaákvæðinu og þeim dómum þar sem hafnað er ógildingu á grundvelli 33. gr. sml. Ritgerðin er byggð upp á þann hátt að fyrst verður fjallað um almenn atriði og síðan vikið að meginefni hennar. Markmið ritgerðarinnar er að gera grein fyrir helstu ástæðum þess að beitingu 33. gr. sml. er oftast hafnað í réttarframkvæmd og leitast verður við að draga ályktanir af dómaframkvæmd dómstóla.
    Í öðrum kafla ritgerðarinnar verður fjallað almennt um ógildingarreglur og meginreglur og sögulega þróun þeirra. Í stuttu máli verða norrænar ógildingarreglur bornar saman við íslenskar en samningalöggjöf okkar er að mestu sniðin eftir norrænum rétti. Ennfremur verður, í sama kafla, varið nokkrum orðum um bandarískan samningarétt, en sá réttur þykir mjög frábrugðinn okkar rétti. Í þriðja kafla er síðan fjallað ítarlega um óheiðarleikaákvæði 33. gr. sml. ásamt því að fara nánar í hugtaksskilyrði ákvæðisins. Í sama kafla verður óheiðarleikaákvæðið borið saman við tvö helstu ógildingarákvæði sml. og því næst fjallað um tengsl ákvæðisins við siðferði.
    Í fjórða kafla er sjónum beint að því, hvers vegna beitingu óheiðarleikaákvæðisins er oftast hafnað í framkvæmd og rýnt verður í dómaframkvæmd þess efnis. Að lokum eru niðurstöður dregnar saman í fimmta og síðasta kafla ritgerðarinnar.

Samþykkt: 
  • 14.4.2014
URI: 
  • http://hdl.handle.net/1946/17566


Skrár
Skráarnafn Stærð AðgangurLýsingSkráartegund 
BA ritgerð pdf - Daníel Karl.pdf171.69 kBOpinnMeginmálPDFSkoða/Opna
Forsíða skemman.pdf44.46 kBOpinnForsíðaPDFSkoða/Opna