is Íslenska en English

Lokaverkefni (Meistara) Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17628

Titill: 
  • Embættisfærsla sýslumanna á 19. öld. Skjalfræðileg rannsókn á embættisfærslu sýslumanna Ísafjarðarsýslu, Rangárvallasýslu og Snæfellsnessýslu
Námsstig: 
  • Meistara
Útdráttur: 
  • Viðfangsefni ritgerðarinnar er skjalfræðileg greining á skjalasöfnum sýslumanna og embættisfærslu þeirra á 19. öld. Skjalfræðileg greining byggir á greiningu frumheimilda til að kanna einkenni heimildarinnar og uppbyggingu út frá upprunareglu sem er grunnvinnuregla við skjalavörslu. Þannig er hver skjalaflokkur skoðaður og rannsakað hver var tilurð þess að skjölin urðu til, hver er uppbygging skjalaflokksins og skjalanna, hver eru helstu einkenni skjalaflokksins og skjalanna og hvert er innihaldið. Skjalaflokkarnir sem eru hér til umfjöllunar varpa líklega hvað mestu ljósi á skyldur og verkefni sýslumanna á 19. öld. Það eru bréfadagbækur og bréfasöfn þeirra, bréfabækur, réttarbækur, s.s. afsals- og veðmálabækur, landamerkjabækur, skiptabækur, uppboðsbækur og dóma- og þingbækur ásamt fylgiskjölum. Aðrir skjalaflokkar í söfnunum innihalda einnig skjöl frá 19. öld en þeir eru brotakenndari og ekki varðveittir í öllum sýslum.
    Í þessu verkefni er 19. öldin undir og er það vegna þess að miðað við hvað varðveist hefur virðist upphaf 19. aldar marka eins konar vitundarvakningu sýslumanna í skjalavörslu og varðveislu embættisbóka sinna. Með rannsókn þessari verður reynt að varpa ljósi á af hverju sýslumenn héldu þær skjalagerðir sem hér verður fjallað um og reynt að sýna fram á hvernig embættisfærsla þeirra endurspeglar lagaumhverfið sem gilti í íslenskri stjórnsýslu á 19. öld. Í niðurstöðum verða sýslurnar bornar saman með tilliti til umfangs varðveittra skjala og ástands skjalasafns ásamt heilleika þeirra og mat lagt á verklag sýslumanna við embættisfærsluna.

  • Útdráttur er á ensku

    This thesis is an archival study of the archives of the county magistrates and their recordings of their official duties in the 19th century. An archival study is based on an analysis of primary sources in order to explore and check the characteristics and structure of the documents against the principle of provenance, which is a fundamental rule in archival science. Every series is examined to find out why those particular documents were created, how the series and the documents are structured, what their characteristics are, and what they contain. The series that will be discussed here are those who shed the most light on county magistrates’ duties and tasks in the 19th century.
    The focus will be on the 19th century and based on what has been preserved of the county magistrates’ archives it seems that an awakening did occur at the beginning of the century concerning archival management and preservation of documents and official books among the county magistrates. The aim is to shed a light on why the county magistrate kept different types of records and show how their recording of their official duties reflects the legal framework of the Icelandic administration in the 19th century. In conclusion, the counties will be compared in respect to the scope of preserved archives and their condition and also the county magistrates’ methods of recording their official duties will be assessed.

Samþykkt: 
  • 30.4.2014
URI: 
  • http://hdl.handle.net/1946/17628


Skrár
Skráarnafn Stærð AðgangurLýsingSkráartegund 
Embættisfærslur_syslumanna_HJE.pdf9.97 MBOpinnHeildartextiPDFSkoða/Opna