en English is Íslenska

Thesis (Master's)

University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/17667

Title: 
  • Title is in Icelandic Frávísun útlendinga á grundvelli allsherjarreglu og almannaöryggis
  • Refusal of entry of foreigners on the grounds of public policy and public security
Degree: 
  • Master's
Abstract: 
  • Abstract is in Icelandic

    Ritgerð þessi fjallar um frávísanir útlendinga á grundvelli allsherjarreglu, almannaöryggis og fleiri hugtaka eins og þjóðaröryggi og öryggi ríksisins. Stjórnarskrá lýðveldisins kveður á um í 2. mgr. 66. gr. að með lögum skuli skipað rétti útlendinga til að koma til landsins og fyrir hverjar sakir hægt sé að vísa þeim úr landi. Frávísun er vægara úrræði en brottvísun og á oftar við um t.d. ferðamenn, en brottvísun fylgir endurkomubann og varðar oftar útlendinga búsetta í öðrum löndum en heimaríki sínu.
    EES samningurinn sem og aðild Íslands að Schengen samkomulaginu setja ríkinu skorður við því hverjum má meina að koma til landsins. Lög um útlendinga nr. 96/2002 hafa verið sett þar sem kveðið er á um rétt „þriðja ríkis útlendinga“ sem og ríkisborgara EES svæðisins, en um þá er sérkafli í lögunum. Kveðið er á um að útlendingum megi vísa frá ríkinu ef allsherjarregla, þjóðaröryggi eða alþjóðasamskipti ríkisins krefjast þess (j-liður 1. mgr. 18. gr ). Í d-lið 1. mgr. 41. gr. er kveðið á um frávísun EES ríkisborgara ef það er talið nauðsynlegt vegna öryggis ríkisins, krefjandi þjóðarhagsmuna eða almannaheilbrigðis.
    Dómaframkvæmd Evrópudómstólsins og Mannréttindadómstóls Evrópu er könnuð aðallega hvað varðar brottvísanir útlendinga þar sem fá mál er varða frávísanir er að finna. Einnig er íslensk og norsk dómaframkvæmd skoðuð. Hæstaréttardómur 17. októkber 2013 (191/2012) er reifaður sem og Hérd. Rvk. 22. desember 2011 (E-6158/2010) og niðurstöður þeirra gaumgæfðar. Einnig er álit umboðsmanns Alþingis UA 5. dsesember 2005 (3820/2003) kannað.
    Með ritsmíð þessari er ætlunin að varpa ljósi á helstu réttarheimildir sem varða frávísanir útlendinga frá Íslandi bæði í Evrópulöggjöf sem og íslenskri og rannsaka framkvæmd á ákvæðum útlendingalaga um frávísun út frá evrópskum, norskum og íslenskum dómum og áliti umboðsmanns Alþingis. Með slíkri yfirferð er reynt að ná fram hlutlægri niðurstöðu varðandi það hvort framkvæmd á frávísun útlendinga sé í samræmi við íslensk lög sem og evrópska löggjöf og framkvæmd stjórnvalda í þeim löndum sem Ísland ber sig alla jafna saman við á alþjóðavettvangi.

Accepted: 
  • May 2, 2014
URI: 
  • http://hdl.handle.net/1946/17667


Files in This Item:
Filename Size VisibilityDescriptionFormat 
Frávísun útlendinga - Brynhildur Bolladóttir.pdf661.91 kBOpenHeildartextiPDFView/Open