Aðstoðarmenn þingmanna og formanna stjórnmálaflokka í stjórnarandstöðu. Bakgrunnur, hlutverk og frami

Abstract

Þessi ritgerð er lokaverkefni til BA-gráðu í stjórnmálafræði. Megin viðfangsefni þessarar ritgerðar er rannsókn á bakgrunni, hlutverki og frama aðstoðarmanna þingmanna og formanna stjórnarandstöðuflokka á Íslandi 2008-2014. Fyrst eru dregin upp helstu einkenni þingræðisskipulagsins og farið yfir hlutverk Alþingis og þingmanna. Út frá því eru tildrögum aðstoðarmannakerfis þingmanna og formanna í stjórnarandstöðu gerð skil og farið yfir helstu hlutverk aðstoðarmanna. Megin niðurstöður rannsóknarinnar eru þær að jöfn dreifing var á aldri, kyni og menntun aðstoðarmanna. Hlutverk aðstoðarmannsins felst einna helst í því að skipuleggja tíma formannsins, vera í samskiptum við fjölmiðla og skrifa blaðagreinar og skýrslur eða vinna að þingmálum. Enn sem komið er þá er frami aðstoðarmanna síður hinn pólitíski vettvangur, en þó algengara að aðstoðarmenn fái kjörgengi á sviði sveitarstjórna frekar en á Alþingi.