Hin svarta útsending. Opinberanabók

Abstract

Hér á eftir fer lokaverkefni til meistaraprófs í ritlist við Háskóla Íslands. Verkefnið er frumsamin nóvella, Hin svarta útsending – opinberanabók. Hana mætti líka kalla langa smásögu með skáldsagnaduld eða örlitla skáldsögu. Í sögunni rekur orðmargur sögumaður nokkra daga í ytra og innra lífi iðnaðarmannsins Einars Mássonar og það hvernig veruleiki hins síðarnefnda leysist upp í torræðum samslætti tilveru- eða vitundarstiga. Á undan sögunni fer dálítil greinargerð þar sem höfundur gerir grein fyrir listrænni sýn sinni, tengslum hennar við samningu verksins og loks vinnuferlinu sjálfu.