en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/17837

Title: 
  • Title is in Icelandic Skilvirkni íslensks hlutabréfamarkaðar. Atburðarannsókn á skilvirkni íslensks hlutabréfamarkaðar árin 2011-2014
Submitted: 
  • June 2014
Abstract: 
  • Abstract is in Icelandic

    Íslenski hlutabréfamarkaðurinn hóf endurreisn sína með fyrstu nýskráningu, eftir efnahagshrunið 2008-2009, í lok árs 2011 eftir að hafa legið í nokkrum dvala um þriggja ára skeið. Einungis voru þrjú félög skráð á aðalmarkað, sem einkenndist af lítilli veltu og neikvæðri umræðu í kjölfar efnahagshrunsins. Frá fyrstu nýskráningu hafa níu félög farið í hlutafjárútboð með skráningu á markað og hefur velta, stærð og dýpt markaðarins aukist til muna til dagsins í dag.
    Markmið þessarar ritgerðar er að framkvæma atburðarannsókn á íslenska hlutabréfamarkaðnum með því að smíða verðmatslíkan fyrir einstök félög og bera saman áætlaða ávöxtun félaga, út frá verðmatslíkönum, og raunávöxtun í kjölfar tilkynningar úr fréttaveitu Kauphallar Íslands. Söguleg gögn um verðþróun bréfa yfir tímabilið 2011 til 2014 voru fengin frá Kauphöllinni ásamt tilkynningum úr fréttaveitu. Tilkynningar eru flokkaðar eftir eðli sínu samkvæmt fyrir fram ákveðnum reglum í jákvæðar, hlutlausar eða neikvæðar. Skoðað er tímabil átta dögum fyrir og eftir tilkynningardag og greind eru áhrif tilkynningar á einstaka félög, sem eru í kjölfarið tekin saman og heildaráhrif á markaðinn metin. Megin markmiðið er að kanna hvort markaðurinn geti talist skilvirkur með tilliti til eðlis tilkynningar þar sem búist er við ákveðnum hreyfingum af markaðnum á tilkynningardegi.
    Niðurstöður rannsóknarinnar um hvort íslenskur hlutabréfamarkaður geti talist skilvirkur gefa til kynna að markaðurinn bregðist rétt við eftir eðli tilkynningar, hvort sem um jákvæða eða neikvæða tilkynningu er að ræða. Sé litið til jákvæðra frétta verður umframávöxtun í kringum tilkynningardag, en það er í takt við væntingar höfundar. Að sama skapi lækkar markaðurinn, umfram áætlun verðmatslíkansins, í kringum tilkynningardag þegar tilkynning er neikvæð. Athygli er vakin á því að fyrir tilkynningardag byrjar í báðum tilfellum að myndast umframávöxtun fyrir tilkynningardag, hvort sem tilkynning er jákvæð eða neikvæð, sem getur gefið til kynna að mögulega sé um leka á markaðsmótandi upplýsingum að ræða. Enn fremur virðist markaðurinn vera viðkvæmari fyrir neikvæðum fréttum en jákvæðum þar sem umframávöxtunin verður meiri en í tilfelli jákvæðra frétta. Einnig verða umframviðbrögð á markaði við jákvæðar fréttir, sem leiðir til leiðréttingar á markaði á 3.-4. degi eftir tilkynningu.

Accepted: 
  • May 7, 2014
URI: 
  • http://hdl.handle.net/1946/17837


Files in This Item:
Filename Size VisibilityDescriptionFormat 
Hákon HS Gröndal - Skilvirkni íslensks hlutabréfamarkaðar - Skemman.pdf1.37 MBOpenHeildartextiPDFView/Open