Blómlegar byggðir. Landnám Íslendinga í Saskatchewan

Abstract

Tilgangur þessarar ritgerðar er að skoða að hvaða marki íslenskir vesturfarar tóku þátt í upprunalegu landnámi Evrópubúa á því svæði sem að nú er þekkt sem Saskatchewan í Kanada.Íslendingar gegndu mikilvægu hlutverki í landnámi Saskatchewan. Landnám Íslendinga í Saskatchewan samanstóð af tveimur hópum sem að komu þangað á mismunandi tíma og eftir ólíkum leiðum. Fyrri hópurinn kom í upphafi ársins 1886 og sá síðari kom eftir árið 1900. Í þessari ritgerð legg ég áherslu á fyrstu bylgju innflytjenda og landnám þeirra en sá hópur kom annaðhvort beint frá Íslandi eða eyddi mjög skömmum tíma í Manitoba, Kanada eða Dakóta , Bandaríkjunum, áður en hann festi rætur í Saskatchewan. Fjórar stærstu byggðir Íslendinga sem rætt er um í þessari ritgerð eru Þingvallabyggð, Lögberg, Hólabyggðir og Vatnabyggðir. Fjallað verður um uppbyggingu þeirra milli áranna 1886 og 1900.