„Glapráð hvíta mannsins.“ Frumbyggjar Norður-Ameríku og Þjóðminjasafn Íslands

Abstract

Í þessari ritgerð verður fjallað um sögu frumbyggja Norður-Ameríku tengda minjasöfnum og tilkall þeirra til nýrra hugmynda um eigin menningarhætti. Einnig hvernig hugmyndir þeirra og aðferðir eru ólíkar hefðbundinni safnafræði og hvernig samvinna safna og frumbyggja gæti verið. Skyggnst verður í geymslu Þjóðminjasafns Íslands og skoðaðir munir frá frumbyggjum Norður-Ameríku. Í síðari hluta ritgerðarinnar verður meðal annars spurt að því hvaðan þessir munir koma. Hvaða þekkingu er verið að sækjast eftir með varðveislu muna sem fæstir vita af nema ef vera skyldi safnastarfsmenn? Er eitthvert gagn í að varðveita þessa muni í geymslu ef ekki á að deila þekkingunni um þá? Eru nægar heimildir til um sögu þeirra þannig að mögulegt sé að endursenda þá til síns heima? Að endingu eru þessar spurningar ræddar í samhengi við gagnrýni frumbyggja á safnastarf.