Að koma nísku í tísku: Áhrif rusls á gildi hluta

Abstract

Tilgangur og markmið þessarar ritgerðar er að skoða hvort hægt sé að endurvekja gildi og framlengja félagslegt líf rusls. Til þess að svara þeirri spurningu verður fjallað um aðferðir ruslara og fólks sem neytir notaðra hluta og þar af leiðandi endurvekur gildi hlutar sem áður hefur verið flokkaður sem rusl. Í upphafi ritgerðarinnar fer fram umfjöllun um efnismenningu og huglægt mat einstaklinga varðandi hvað rusl sé. Í öðrum kafla er fjallað um kenningar Arjun Appadurai um félagslegt líf hluta, hvernig neysluvara sé aðeins eitt stig í félagslegu lífi hluta og rusl þá annað. Farið verður yfir ruslakenningu Micheal Thompson sem sýnir fram hreyfigeti og breytileika rusls og kenningu Mary Douglas um að ekkert sé í raun og veru rusl, heldur aðeins hlutir á röngum stað. Í þriðja kafla ritgerðarinnar er varpað ljósi á róttækar aðferðir ruslara til að fjarlægast vestrænum kapítalisma og endurvekja gildi hluta á ný, hvernig jafn hversdagleg athöfn og að kaupa notaða hluti geti einnig verið andóf gegn neyslumenningu Vesturlanda. Lokaorð ritgerðarinnar gefa til kynna að hægt er að endurvekja gildi rusl, ákveðnir hópa og aðillar samfélagins gera það nú þegar.