Gjaldeyrishöft: Hafa þau áhrif og þá hvaða?

Abstract

Erfitt hefur verið að mæla áhrif gjaldeyrishafta vegna þess hversu ólík þau eru í mismunandi löndum. Gjaldeyrishöft eru skilgreind sem öll takmörkun á fjármagnsflutningum yfir landamæri ríkja og á það bæði við takmörkun á innstreymi og útstreymi erlends fjármagns. Í þessari ritgerð eru gjaldeyrishöft skoðuð í þremur löndum; Malasíu, Tælandi og Spáni, sem öll höfðu sett á höft á útstreymi fjármagns í lok síðustu aldar. Farið er yfir hvert land fyrir sig og skoðað hvað varð til þess að gjaldeyrishöft voru sett á í hverju landi og hvaða áhrif gjaldeyrishöftin höfðu á hvert land fyrir sig. Síðan eru dregin fram töluleg gögn til að skoða áhrifin betur. Tölulegu gögnin eru gögn um raunvexti, raungengi, verðbólgu, fjárfestingu og hagvöxt í hverju landi fyrir sig. Skoðað er hvort gjaldeyrishöftin höfðu áhrif á þá þætti og hvort þau voru skammtíma eða langtíma áhrif. Niðurstöður sýna að gjaldeyrishöftin höfðu ólík áhrif í hverju landi fyrir sig en alls staðar höfðu gjaldeyrishöftin áhrif. Þegar gögn um Ísland eru borin saman við gögn Malasíu, Tælands og Spánar má sjá að gjaldeyrishöftin höfðu svipuð áhrif á þessa þætti þegar höftin voru látin á hjá Íslandi og Malasíu.