10.000 kr. seðill: Hvaða tilgangi þjónar nýr og verðmeiri seðill?

Abstract

Af því tilefni að Seðlabankinn hleypti í umferð nýjum 10.000 kr. seðli þann 24. október 2013 var litið yfir sögu seðlaútgáfu á Íslandi undanfarin ár. Farið var yfir reiðufjárnotkun landsmanna, breytingar sem hafa orðið á henni og samanburð við aðrar þjóðir.Lengi hefur verið ljóst að Íslendingar eru duglegir að notfæra sér rafræna greiðslumiðlun og því þótti það rannsóknarefni hvers vegna seðlaprentun sé viðhöfð á meðan tækninni fleygir fram líkt og gerst hefur undanfarin ár.Leitað var svara við spurningunni hvaða tilgangi útgáfa nýs og verðmeiri seðils þjónar í greiðslumiðlun á Íslandi. Þar sem fram kemur að seðlar sinni ákveðnu öryggishlutverki komi til efnahagsáfalla. Einnig var farið yfir tengsl seðla við svarta starfsemi, skatt- og bótasvik. Þá var litið á þjóðfélagslegan kostnað af hinum ýmsu formum greiðslumiðlunar þar sem allar líkur eru á að skortur sé á hagkvæmni í þessum málum hér á landi.