Íslenska sem annað tungumál

Abstract

Í skýrslu frá Reykjavíkurborg kom fram að haustið 1998 voru 272 börn af erlendum uppruna í leikskólum borgarinnar en haustið 2007 voru þau orðin 706 talsins. Okkur fannst því vera brýn þörf fyrir handbók tengda tvítyngi. Íslenska sem annað tungumál er lokaverkefni okkar til fullnaðar B.Ed.-gráðu í leikskólafræðum við Kennaraháskóla Íslands vorið 2008. Handbókin er fræðsluefni fyrir þá sem starfa á leikskólum og vilja auka þekkingu sína á vinnu með börnum með fleiri en eitt tungumál. Í henni koma fram leiðir og ýmsar upplýsingar um hvernig taka eigi á móti barni með annað móðurmál en íslensku ásamt því að gefa hugmyndir að góðu foreldrasamstarfi á milli starfsfólks og foreldra með erlendan uppruna. Markmið okkar með handbókinni er að hún nýtist börnum í leikskólum til málörvunar og starfsmönnum við kennslu barna. Handbókin er byggð upp með markmiðum Aðalnámskrá leikskóla í huga.