Viðhorf ferðamanna við Öskju: Greind eftir viðhorfskvarðanum

Abstract

Við skipulagningu á ferðaþjónustu í þjóðgörðum þarf að hafa í huga þarfir mismunandi hópa. Ferðamenn hafa mismunandi hugmyndir um hvað ferðamannastaður þarf að bjóða upp á til þess að teljast áhugaverður. Í þessari ritgerð er kannað viðhorf gesta við Öskju til þjónustu, afþreyingar, aðstöðu og fleiri þátta, eftir því hvaða hópi þeir tilheyra á svokölluðum viðhorfskvarða. Sumarið 2013 var gerð viðhorfskönnun meðal ferðamanna við Öskju og fengust um 662 svör . Í Öskju koma náttúrusinnaðir ferðamenn sem sækjast eftir að upplifa óraskaða náttúru og öræfakyrrð. Þær væntingar eruð að mestu uppfylltar við heimsóknina til Öskju. Hópur náttúrusinna er hlutfallslega stór í Öskju samanborið við aðra staði á hálendi Íslandi. Flestir telja að aðstaða og innviðir séu fullnægjandi og að svæðið sé ekki farið að láta á sjá. Þeir telja jafnframt að fjöldi ferðamanna þar sé ásættanlegur. Ferðamenn eru flestir andvígir frekari uppbyggingu á svæðinu, sérstaklega gagnvart virkjunum og mannvirkjum þeim tengdar. Marktækur munur reyndist á milli hópa á viðhorfskvarðanum varðandi mörg atriði sem um var spurt.