Hver á að hugsa um mig ef ekki þú?

Abstract

Ritgerðin byggir á könnun á tilkynningum frá grunnskólum um vanrækslu til barnaverndar árið 2006. Það ár voru tilkynningar til barnaverndar í heild 6874 tilfelli, sem varðaði 6207 börn, eða 0,8 % af öllum börnum á landinu. Tilkynningar um vanrækslu voru 1985 og flestar tengdar vanrækslu varðandi umsjón og eftirlit. Lögreglan tilkynnti um helminginn og skólinn um 8,9%. Skoðaðar voru tilkynningar í Kópavogi og Hafnarfirði frá grunnskólanum um vanrækslu árið 2006. Fjöldi tilkynninga voru 98 sem vörðuðu 93 börn. Börnin voru frá 0 – 16 ára og meðalaldur 12 ára. Oftar var tilkynnt um stráka en stelpur og voru flest börnin búsett hjá einstæðri móður. Markmiðið var að sjá einkenni vanrækslu sem starfsmenn skóla taka eftir, sjá mun á kyni, aldri, búsetu og hvað kom út úr könnun málsins.