Áhættu- og verndandi þættir fyrir vímuefnanotkun ungmenna

Abstract

Markmið þessarar yfirlitsgreinar var að taka saman helstu áhættu- og verndandi þætti fyrir vímuefnanotkun ungmenna. Horft var sérstaklega til líffræðilegra-, sálfræðilegra-, umhverfis- og samfélagslegra þátta, auk persónuleika ungmenna sem áhættuþátta. Þá var fjallað um ástæður þess að ungmenni byrja að neyta vímuefna og komið inn á helstu verndandi þætti. Að neyta vímuefna getur haft slæmar langtíma afleiðingar í för með sér en á unglingsárunum er heilinn ekki orðinn fullþroskaður og hefur það áhrif á getu ungmennanna til að meta áhættu á réttan hátt og taka ábyrgar ákvarðanir. Reynt hefur verið að koma í veg fyrir neyslu ungmenna með því að byrja forvarnir snemma en lykilatriði alls forvarnarstarfs er að greina áhættuþætti. Ef vitneskja er til staðar um hverjir helstu áhættuþættirnir eru fyrir vímuefnanotkun ungmenna þá er hugsanlegt að hægt sé að skapa aðstæður sem minnka vægi áhættuþátta og draga þannig úr eða seinka vímuefnanotkun ungmenna.