„Það bezta er börnunum ekki of gott.“ Rannsókn á leikumhverfi barna á grunnskólalóðum Reykjavíkur

Abstract

Í þessari rannsókn er fjallað um aðstöðu barna til leiks á grunnskólalóðum Reykjavíkur. Teknar eru fyrir lóðir þriggja grunnskóla sem allir hafa sín sérkenni. Efst á lista er Ártúnsskóli, en hann þjónar börnum á yngra- og miðstigi grunnskólans. Næst er Árbæjarskóli, sem telst sem stærsti skóli borgarinnar. Þar á eftir kemur Norðlingaskóli, en hann er nýrri að árum en hinir tveir og státar af glæsilegri skólalóð. Rannsóknin byggist á vettvangsathugunum í hverjum skóla fyrir sig þar sem leikumhverfi barna var kannað. Auk þess voru tekin viðtöl við skólastjórnendur skólanna og einn af hönnuðum skólalóðar Norðlingaskóla. Þess fyrir utan er sjónum beint að mikilvægi leiks í lífi barna og þeim margvíslegum eiginleikum sem hann býr yfir. Fyrsti hluti rannsóknarinnar fjallar stuttlega um rannsóknaraðferðir og rannsóknarsögu viðfangsefnisins. Í öðrum hluta er leikur barna í aðalhlutverki og hugtök honum tengdum skilgreind. Í þriðja og jafnframt seinasta hluta rannsóknarinnar er farið yfir sögu leikvalla og vakin athygli á mikilvægi góðrar hönnunar á leikumhverfi barna. Þar að auki er þeim grunnskólalóðum sem til umfjöllunar eru lýst í myndrænu máli.