Íbúar Hugveruleikans

Abstract

Í þessari ritgerð fjalla ég um kenningar sálgreinisins Carls Gustav Jung um erkitýpukenninguna og hina sammannlegu dulvitund og skoða mögulega snertifleti þessara kenninga við eigin listsköpun og fyrirhugað lokaverkefni.Í ritgerðinni byrja ég á því að kynna Jung fyrir lesendanum í stuttu máli og skoða sérstaklega bók hans; Liber Novus með áherslu á myndverkin sem þar finnast. Þau set ég í samhengi við eigin verk og skoða jafnframt leiðir hans til að nálgast dulvitundina og fjalla um eigin tilraunir á því sviði. Því næst skoða ég hvernig Jung og samtímamenn hans skipta upp sálinni og helstu hugtök sem tengjast þeirri skiptingu. Í kjölfarið skoða ég ólíkar hugmyndir um dulvitundina og fjalla lauslega um aðferðafræði súrrealistanna í samhengi við eigin vinnuferli og listhugsun. Þessu fylgi ég eftir með útskýringu á hugmyndum Jungs um hina sammannlegu dulvitund og kenningar er varða erkitýpurnar. Í 3. Kafla útskýri ég fyrirhugað lokaverkefni og tengsl þess við þennan sérstaka hugmyndaheim sálgreinann og fjalla um viðfangsefni mitt; íslenskar þjóðtrúarsögur í samhengi við erkitýpukenninguna og skoða svo táknrænt inntak og sammannlega eiginleika einnar valdrar kynjaveru í lokin.