Nýir heimar

Abstract

Hvernig geta breyttar aðstæður haft áhrif á sköpunarkraftinn og opnað fyrir manni nýja heima? Með hvaða aðferðum er hægt að virkja dulvitundina til þess að skapa? Í ritgerðinni er fjallað um það hvernig ársdvöl mín í Mexíkóborg breytti hugmyndum mínum um lífið og listina og hvernig áhugi minn á því að virkja dulvitundina til listsköpunar varð ákafari. Einnig er fjallað um mexíkóskan súrrealisma, hvernig ég kynntist honum og hvernig hann hafði áhrif á listsköpun mína. Tekin verða fyrir nýleg verk sem urðu til á síðastliðnu ári með þessum aðferðum. Fyrst verður þó fjallað almennt um dulvitundina, kenningar Freud og Jung um hana og hvernig þær hafa haft áhrif á líf mitt og list.